پاکستان کی کان کنی کی صنعت نے عالمی سطح پرتاریخ رقم کردی، پہلا گولڈ سرٹیفکیشن حاصل کرلیا

جمعہ 27 جون 2025 21:13

اسلام آباد (اُردو پوائنٹ اخبارتازہ ترین - آن لائن۔ 27 جون2025ء) ایس آئی ایف سی کی کامیاب پالیسیوں کے باعث کان کنی کا شعبہ ترقی کی راہ پر گامزن ہے۔پاکستان کی کان کنی کی صنعت نے پہلا گولڈ سرٹیفکیشن حاصل کرکے عالمی سطح پر تاریخ رقم کر دی۔سندھ اینگرو کول مائننگ کمپنی کو تھر میں پانی کے مؤثر استعمال پر الائنس فار واٹر اسٹیورڈشپ گولڈ سرٹیفیکیشن سے نوازا گیا ہے۔

اے ڈبلیو ایس 2009 میں اقوام متحدہ اور عالمی اداروں کے اشتراک سے قائم کیا گیا ہے۔

(جاری ہے)

اے ڈبلیو ایس فریم ورک اقوام متحدہ کے ماحولیاتی اہداف سے مکمل طور پر ہم آہنگ ہے۔اے ڈبلیو ایس سرٹیفیکیشن اداروں کے ذمہ دارانہ آبی استعمال کا عالمی سطح پر اعتراف ہے۔ سندھ اینگرو کول مائننگ کمپنی' کا جدید واٹر مینجمنٹ ماڈل عالمی سطح پر پائیداری کی مثال بن گیا۔تھر میں زرعی پروگرام اور مقامی آبادی کے لیے صفائی ستھرائی کے بنیادی ڈھانچے کی فراہمی جیسے تاریخی اقدامات کیے گئے۔تھرکول منصوبے میں 23 جدید پلانٹس سے پانی کی فراہمی، معاشی ترقی میں اہم سنگ میل ہے۔