ٹ*آگیگاکا 11 جولائی تک مطالبات کی منظوری نہ ہونے پر احتجاج کا اعلان

پنجاب اسمبلی اجلاس میں ملازمین کش پالیسیوں پر احتجاج، متحد رہنماؤں نے حکومت کو تنبیہ کی مطالبات پورے نہ ہوئے تو چیئرمین خالد سنگھیڑہ نیا احتجاجی لائحہ عمل دیں گے، اعلامیہ جاری

اتوار 29 جون 2025 21:00

لاہور (اُردو پوائنٹ اخبارتازہ ترین - آن لائن۔ 29 جون2025ء) آل گورنمنٹ ایمپلائز گرینڈ الائنس (آگیگا) پنجاب کے رہنماؤں پروفیسر فائزہ رعنا، رانا انوار الحق، مختار گجر، رانا لیاقت، کاشف شہزاد، چوہدری شفیق گجر، پروفیسر حسن رشید، رانا اسد، آزاد گجر و دیگر نے کہا ہے کہ 25 جون کو ہزاروں ملازمین کے احتجاج نے خود ساختہ لیڈروں اور مفاد پرست عناصر کو حواس باختہ کر دیا ہے۔

رہنماؤں نے کہا کہ آگیگا کے کامیاب احتجاج کی بدولت پنجاب اسمبلی اجلاس میں حکومتی پالیسیوں پر توجہ دی گئی اور اراکین اسمبلی نے ملازمین کے مطالبات کو جائز قرار دیتے ہوئے فوری منظوری کا مطالبہ کیا۔انہوں نے چیئرمین آگیگا خالد جاوید سنگھیڑہ کی قیادت پر مکمل اعتماد کا اظہار کرتے ہوئے کہا کہ ملازمین متحد ہیں اور ان کی جدوجہد رائیگاں نہیں جائے گی۔

(جاری ہے)

قیادت ہمیشہ وقت اور حالات کے مطابق متفقہ فیصلے کرتی ہے۔آگیگا رہنماؤں نے مفاد پرست گروہ کو تنقید کا نشانہ بناتے ہوئے کہا کہ ایسے عناصر ہر تین ماہ بعد نام اور بھیس بدل کر میدان میں آتے ہیں اور سستی شہرت حاصل کرنے کے لیے قائدین کو تنقید کا نشانہ بناتے ہیں، مگر ان کے عزائم ناکام ہوں گیانہوں نے کہا کہ آگیگا سرکاری ملازمین کے معاشی اور آئینی حقوق کے تحفظ کے لیے پرعزم ہے، اور اگر 11 جولائی (15 محرم الحرام) تک مطالبات منظور نہ ہوئے تو چیئرمین خالد جاوید سنگھیڑہ آئندہ احتجاجی لائحہ عمل کا اعلان کریں گے۔