سانحہ سوات، خیبر پختونخوا حکومت نے ہنگامی صورتحال کیلئے ڈرون حاصل کرلیا

بدھ 2 جولائی 2025 19:50

پشاور(اُردو پوائنٹ اخبارتازہ ترین - این این آئی۔ 02 جولائی2025ء) خیبر پختونخوا حکومت نے ہنگامی صورتحال کے لئے ڈرون حاصل کرلیا۔دریائے سوات میں 27 جون کو سیاحوں کے ساتھ پیش آنے والے افسوس ناک واقعے پر حکومت کو شدید تنقید کا نشانہ بنایا جارہا ہے۔

(جاری ہے)

تاہم خیبر پختونخوا حکومت نے اب صوبے میں کسی بھی ہنگامی صورتحال سے نمٹنے کیلئے ڈرون حاصل کرلیا ہے۔ ڈرون کو سیلابی صورتحال میں مدد کیلئے لائف جیکٹس، رسیاں اوردیگر اشیاء پہنچانے کے لئے استعمال کیا جائے گا۔اس حوالے سے پی ڈی ایم اے کی جانب سے چیف سیکرٹری خیبر پختونخوا شہاب علی شاہ کو ڈرون کی مشق بھی دکھائی گئی۔واضح رہے کہ 27 جون کو دریائے سوات میں پانی کا بہاؤ اچانک تیز ہونے سے 18 افراد ڈوب گئے جن میں سے 4 کو ریسکیو کرلیا گیا تھا۔