ٹرینوں کے کرایوں میں اضافے کا اطلاق ( آج) سے ہوگا

فیصد کرایہ بڑھنے کا اطلاق ایڈوانس بکنگ پر بھی عائد ہو گا

جمعرات 3 جولائی 2025 11:20

لاہور(اُردو پوائنٹ اخبارتازہ ترین - این این آئی۔ 03 جولائی2025ء)پاکستان ریلویز کی جانب سے مسافر ٹرینوں کے کرائے میں کئے گئے اضافے کا اطلاق آج ( جمعہ) 4جولائی سے ہوگا۔نوٹیفکیشن کے مطابق پٹرولیم مصنوعات کی قیمتوں میں حالیہ اضافے کے پیش نظر پاکستان ریلویز نے میل ایکسپریس اور مسافر ٹرینوں کے کرایوں میں 2 فیصد اضافہ کیا۔

(جاری ہے)

پاکستان ریلویز کے نوٹیفکیشن کے مطابق نئے کرایوں کا اطلاق 4 جولائی 2025 سے ہو گا جس کے بعد ملک بھر میں چلنے والی مختلف مسافر اور میل ایکسپریس ٹرینوں کے سفر پر مسافروں کو بڑھا ہوا کرایہ ادا کرنا ہو گا۔

ریلوے کرایوں کا اطلاق تمام مسافر، پسنجر ،شٹل اور سیلونز گاڑیوں پر ہو گا، 2 فیصد کرایہ بڑھنے کا اطلاق ایڈوانس بکنگ پر بھی عائد ہو گا۔واضح رہے کہ اس سے قبل 18 جون کو بھی مسافر ٹرینوں کے کرایوں میں 3 فیصد جبکہ مال بردار ٹرینوں کے کرایوں میں 4 فیصد اضافہ کیا گیا تھا۔