انگلینڈ اور بھارت کی کرکٹ ٹیموں کے درمیان تیسرا ٹیسٹ میچ 10 جولائی سے لندن میں شروع ہوگا،سیریز 1-1 سے برابر

پیر 7 جولائی 2025 16:13

لندن (اُردو پوائنٹ اخبارتازہ ترین - اے پی پی۔ 07 جولائی2025ء) انگلینڈ اور بھارت کی کرکٹ ٹیموں کے درمیان پانچ ٹیسٹ میچوں پر مشتمل سیریز کا تیسرا میچ 10 سے 14 جولائی تک انگلینڈ کے دارالحکومت لندن کے مشہور کرکٹ گرائونڈ لارڈز میں کھیلا جائے گا،دونوں ٹیموں کے درمیان پانچ میچوں کی سیریز میں 1-1 سے برابر ہے۔آئی سی سی ورلڈ ٹیسٹ چیمپئن شپ کا حصہ پانچ ٹیسٹ میچوں کی سیریز کے لیڈز میں کھیلے گئے پہلے ٹیسٹ میچ میں انگلینڈ نے بھارت کو 5 وکٹوں سے شکست دی تھی تاہم برمنگھم میں کھیلے گئے دوسرے ٹیسٹ میچ میں مہمان بھارتی ٹیم نے جاندار کم بیک کرتے ہوئے میزبان انگلینڈ کی ٹیم کو 336 رنز سے شکست دے کر سیریز1-1 سے برابر کر دی۔

انگلینڈ اینڈ ویلز کرکٹ بورڈ (ای سی بی )کے مطابق مہمان بھارتی ٹیم اپنے دورہ کے دوران میزبان انگلینڈٹیم کے خلاف 5ٹیسٹ میچوں کی سیریز کھیلنا ہے جس کے دو میچز کھیلے جا چکے ہیں۔

(جاری ہے)

5 ٹیسٹ میچوں کی سیریز میں بھارت کی کرکٹ ٹیم کو بلے باز شبھمن گل لیڈ کریں گے جبکہ انگلینڈ کی ٹیم کو مایہ ناز آل رائونڈر بین سٹوکس لیڈ کر یں گے۔دونوں ٹیموں کے درمیان تیسرا ٹیسٹ میچ 10 سے 14 جولائی تک لارڈز، لندن میں کھیلا جائے گا،چوتھاٹیسٹ میچ 23 سے 27 جولائی تک ایمریٹس اولڈ ٹریفورڈ، مانچسٹرمیں کھیلا جائے گاجبکہ پانچواں اور آخری ٹیسٹ میچ 31 جولائی سے 4 اگست تک کیننگٹن اوول، لندن میں کھیلا جائے گا۔\932