انگلینڈ اور بھارت کی ویمنز کرکٹ ٹیموں کے درمیان چوتھاٹی ٹونٹی میچ 9جولائی کو کھیلاجائےگا

پیر 7 جولائی 2025 16:16

لندن (اُردو پوائنٹ اخبارتازہ ترین - اے پی پی۔ 07 جولائی2025ء) انگلینڈ اور بھارت کی ویمنز کرکٹ ٹیموں کے درمیان پانچ بین الاقوامی ٹی ٹونٹی میچوں پر مشتمل سیریز کا چوتھا میچ 9 جولائی کو ایمریٹس اولڈ ٹریفورڈ، مانچسٹر کے مقام پر کھیلا جائے گا ۔بھارت کی ویمن ٹیم کو میزبان انگلینڈ کی ویمن ٹیم کے خلاف 5 میچوں کی سیریز میں 1-2کی برتری حاصل ہے۔ بھارتی خواتین ٹیم نے پہلے ٹی ٹونٹی میچ میں برطانوی خواتین ٹیم کو 97 رنز سے جبکہ دوسرے ٹی ٹونٹی میچ میں 24 رنز سے شکست دی تھی۔

تیسرے ٹی ٹونٹی میچ میں میزبان انگلینڈ کی ویمن ٹیم نے بھارتی ویمن ٹیم کو 5 رنز سے شکست دی تھی۔ انگلینڈ اینڈ ویلز کرکٹ بورڈ (ای سی بی) کے مطابق بھارت کی ویمن کرکٹ ٹیم اپنے دورہ انگلینڈ کے دوران میزبان ویمنز ٹیم کے خلاف 5ٹی ٹوٹی اور 3ایک روزہ بین الاقوامی میچوں کی سیریز کھیلے گی۔

(جاری ہے)

ٹی ٹونٹی سیریز کے تین میچ کھیلے جا چکے ہیں جن میں سے دو میں بھارت کی ویمن ٹیم فاتح رہی اور ایک میچ میزبان برطانوی ویمن ٹیم نے جیتا ہے ۔

ٹی ٹونٹی سیریز میں بھارتی ٹیم کو ہرمن پریت کور لیڈ کریں گی جبکہ میزبان برطانوی ویمنز ٹیم کو بائولنگ آل رائونڈر نیٹ سکیور برنٹ لیڈ کریں گی۔دونوں ٹیموں کے درمیان پانچ ٹی ٹونٹی میچوں کی سیریز کا چوتھا ٹی ٹونٹی میچ 9 جولائی کو ایمریٹس اولڈ ٹریفورڈ، مانچسٹر میں کھیلا جائے گاجبکہ پانچوں اور آخری ٹی ٹونٹی میچ 12 جولائی کو ایجبسٹن، برمنگھم میں کھیلا جائے گا۔

پانچ ٹی ٹونٹی میچوں کی سیریز کے مکمل ہونے کے بعددونوں ٹیموں کے درمیان تین ایک روزہ میچوں کی سیریز کا پہلا میچ 16 جولائی کو روز بائول،سائوتھمپٹن میں کھیلاجائے گا، دوسرا ایک روزہ میچ 19 جولائی کو لارڈز ، لندن میں کھیلا جائے گاجبکہ تیسرا اور آخری میچ 22 جولائی کو ریور سائیڈ گراؤنڈ، چیسٹر لی سٹریٹ کھیلا جائے گا۔\932