سندھ فوڈ اتھارٹی ضلع کیماڑی کی ٹیم کی کارروائی، دودھ کے نمونے جمع کئے

ٹیم نے ڈپٹی ڈائریکٹر بشیر خان کی نگرانی میں بلدیہ کالونی ، پاک کالونی, میٹروول اور سائٹ ایریا میں دودھ کی دکانوں کا اچانک معائنہ کیا ، جرمانہ بھی عائد کیا

پیر 7 جولائی 2025 17:39

کراچی (اُردو پوائنٹ اخبارتازہ ترین - این این آئی۔ 07 جولائی2025ء)سندھ فوڈ اتھارٹی ضلع کیماڑی کی ٹیم نے وزیر اعلی سندھ کے معاون خصوصی برائے خوراک عبد الجبار خان اور ڈائریکٹر جنرل سندھ فوڈ اتھارٹی آصف جان صدیقی کی ہدایت پر ڈپٹی ڈائریکٹر بشیر خان کی نگرانی میں پاک کالونی ، بلدیہ کالونی ، میٹروول اور سائٹ ایریا میں دودھ کی دکانوں کا اچانک معائنہ کیا۔

سندھ فوڈ اتھارٹی کی ضلع کیماڑی کی ٹیم نے ان دکانوں سے دودھ کے نمونے جمع کئے گئے۔

(جاری ہے)

دودھ کے معیار کو چیک کرنے کے لئے جمع کئے جانے والے نمونے کراچی یونیورسٹی کی لیب میں جمع کروائے گئے ہیں۔ اس موقع پر گفتگو کرتے ہوئے ڈپٹی ڈائریکٹر ضلع کیماڑی بشیر خان نے کہا کہ لیبارٹری سے رپورٹ آنے کے بعد غیر معیاری دودھ فروخت کرنے والوں کے خلاف کارروائی کی جائے گی ۔ صفائی ستھرائی کی ناقص صورتحال پر دودھ فروشوں پر جرمانہ بھی کیا گیا ہے ۔ انہوں نے کہا کہ کھانے پینے کی غیر معیاری اشیا بنانے اور فروخت کرنے والوں کے خلاف قانون کے مطابق کارروائی جاری رکھی جائے گی ۔