Live Updates

کیسکو کا 5جولائی کو متعلقہ علاقوں میں بجلی بندش کا شیڈول

پیر 7 جولائی 2025 18:59

کوئٹہ (اُردو پوائنٹ اخبارتازہ ترین - اے پی پی۔ 07 جولائی2025ء) کوئٹہ الیکٹرک سپلائی کمپنی (کیسکو) کے مطابق ضروری مرمت کے سلسلے میں 5جولائی کو متعلقہ علاقوں میں بجلی بندش کا شیڈول جاری کر دیا۔ ترجمان نے کہا ہے کہ حالیہ مون سون بارشوں کے باعث لورالائی، مسلم باغ، ژوب اور ملحقہ علاقوں میں ایچ ٹی اور ایل ٹی لائنوں کے کھمبے گرگئے ہیں جس کی وجہ سے متعلقہ علاقوں کو بجلی کی فراہمی معطل ہوگئی ہے۔

مسلم باغ میں مکئی فیڈر کے 2کھمبے گر گئے تھے تاہم کیسکوٹیموں نے ہنگامی بنیادپر کام کرتے ہوئے مذکورہ فیڈرکے 2کھمبے دوبارہ نصب کردئیے اور اتوار کی شام کو مکئی فیڈرکو باقاعدہ طورپرچلادیاگیا۔اس کے علاوہ مسلم باغ کے متاثرہ 11Kvخانیزئی فیڈر پر کھمبوں کی تنصیب کاکام جاری ہے۔

(جاری ہے)

اس کے علاوہ ژوب میں 11Kvسمبازہ فیڈرکے 5کھمبے شدید بارش کی وجہ سے گرگئے تھے جسے کیسکوٹیموں نے اتوار کے روز متاثرہ فیڈرکے گرے ہوئے کھمبوں کی تنصیب اور بحالی کاکام شروع کردیا اورتوقع ہے کہ منگل کی شام تک متعلقہ فیڈرکے گرے ہوئے کھمبوں کی مرمت وبحالی کاکام مکمل کرلیاجائے گا۔

علاوہ ازیں لورالائی میں زنگی وال فیڈر کے گرے ہوئے 3کھمبوں کاسامان متعلقہ سائٹ پر پہنچادیاگیاہے جس پر منگل کے روز مرمت وبحالی کاکام شروع کردیاجائے گا،تاہم کیسکونے متاثرہ علاقوں کے تمام صارفین سے تعاون کی اپیل اوربجلی بند ش پر زحمت کیلئے معذرت کی ہے۔