مشروم مرڈر کیس، آسٹریلوی خاتون پر ساس، سسر سمیت 3 افراد کے قتل کا جرم ثابت

پیر 7 جولائی 2025 18:59

کینبرا(اُردو پوائنٹ اخبارتازہ ترین - این این آئی۔ 07 جولائی2025ء)آسٹریلوی خاتون پر شوہر کے والدین سمیت 3 افراد کو زہریلے مشروم کھلا کر قتل کرنے کا جرم ثابت ہو گیا۔آسٹریلوی عدالت میں جیوری نے خاتون کو 3 افراد کے قتل کے کیس میں قصور وار قرار دے دیا۔

(جاری ہے)

ایرین پیٹرسن نے جولائی 2023 میں سسرالی رشتے داروں کو دعوت پر بلا کر زہریلے مشروم کھلائے تھے، جس کے نتیجے میں تینوں افراد دم توڑ گئے تھے۔مشروم مرڈر کے نام سے مشہور اس مقدمے کی کارروائی کو دنیا بھر توجہ سے دیکھا گیا، تہرے قتل کا واقعہ آسٹریلوی ریاست وکٹوریہ کے شہر لیون گاتھا میں پیش آیا تھا۔