ڈسٹرکٹ پولیس آفیسر سیالکوٹ کا شہدا اور پولیس ملازمین کے بچوں کی تعلیم و تربیت کے سلسلہ میں دارارقم سکولز کے ساتھ ایم او یو سائن

منگل 8 جولائی 2025 11:00

سیالکوٹ (اُردو پوائنٹ اخبارتازہ ترین - اے پی پی۔ 08 جولائی2025ء) ڈسٹرکٹ پولیس آفیسر سیالکوٹ فیصل شہزاد نے شہدا اور پولیس ملازمین کے بچوں کی تعلیم و تربیت کے سلسلہ میں دارارقم سکولز کے ساتھ ایم او یو سائن کیا۔

(جاری ہے)

ترجمان سیالکوٹ پولیس کے مطابق ڈی پی او سیالکوٹ فیصل شہزاد نے دار ارقم سکول کے ساتھ ایم او یو سائن کیا جس کے تحت پولیس کے شہداکے بچوں کی فیس میں 100فیصد رعایت جبکہ حاضر سروسز ملازمین کو 50 فیصد اور ریٹائرڈ ملازمین کو50 فیصد تک رعایت حاصل ہو گی۔

جس طرح آئی جی پنجاب کے احکامات کی روشنی میں پہلے تعلیمی اداروں کے ساتھ ایم او یو سائن ہوئے ہیں اسی سلسلے کو جاری رکھتے ہوئے ڈی پی او سیالکوٹ نے یہ ایم او یو سائن کیے ہیں۔اس موقع پر ڈی پی او سیالکوٹ نے کہا کہ پولیس ملازمین کے تعلیمی اور میڈیکل مسائل ترجیحی بنیادوں پر حل کیے جائیں گے۔