لاہور میں کتے نے بچے کو کاٹ لیا، کتے کا مالک گرفتار، وزیراعلیٰ کا نوٹس

لیبرا نسل کا کتا بھی انویسٹی گیشن پولیس نے تحویل میں لے لیا، مقدمہ بھی درج

بدھ 9 جولائی 2025 17:03

لاہور میں کتے نے بچے کو کاٹ لیا، کتے کا مالک گرفتار، وزیراعلیٰ کا نوٹس

لاہور (اُردو پوائنٹ اخبارتازہ ترین - این این آئی۔ 09 جولائی2025ء) لاہور کے علاقے اچھرہ میں کتے نے ایک بچے کو کاٹ لیا ،پولیس نے کارروائی کرتے ہوئے کتے کے مالک کو گرفتار کرلیا۔پولیس نے کہا کہ لیبرا نسل کا کتا بھی انویسٹیگیشن پولیس نے تحویل میں لے لیا، ملزم انور کے خلاف متاثرہ بچے کے والد کی مدعیت میں مقدمہ درج کیا، ملزم انور اپنے پالتو کتے کے ہمراہ باہر نکلتا تھا۔

(جاری ہے)

پولیس نے کہا کہ ملزم آوارہ کتوں کو کھانا کھلانے کا عادی ہے، ملزم وقوعہ کے روز پالتو کتے کے ہمراہ آوارہ کتوں کے ہمراہ موجود تھا، ملزم کی موجودگی میں آوارہ کتوں نے بچے پر حملہ کیا۔ دوسری جانب وزیراعلی پنجاب مریم نواز شریف نے اچھرہ میں کمسن بچے پر کتے کے حملے کے واقعہ کا نوٹس لے لیا۔انہوں نے کمسن بچے کی جلد صحتیابی کی دعا کی اور افسوس ناک واقعہ کی رپورٹ طلب کرلی۔