کیسکو نے مختلف علاقوں میں ترقیاتی کاموں کے سلسلہ میں بجلی کی عارضی بندش کا شیڈول جاری کر دیا

بدھ 9 جولائی 2025 22:50

کوئٹہ (اُردو پوائنٹ اخبارتازہ ترین - اے پی پی۔ 09 جولائی2025ء) کوئٹہ الیکٹرک سپلائی کمپنی (کیسکو)نے مختلف علاقوں میں ترقیاتی کاموں کے سلسلہ میں بجلی کی عارضی بندش کا شیڈول جاری کر دیا۔

(جاری ہے)

کیسکو کے اعلامیہ کے مطابق کوئٹہ شہرکے مختلف علاقوں میں ترقیاتی کاموں کے سلسلے میں بجلی لائنوں کی شفٹنگ کی جا رہی ہے،اس سلسلے میں 10جولائی (بروزجمعرات) کو سریاب گرڈ سٹیشن کے 11 کے وی اولڈجان محمد، نیو جان محمد اور اولڈلیاقت بازارفیڈروں سے صبح 10بجے تا دوپہر2بجے بجلی بند رہے گی نیز اسی روز شیخ ماندہ گرڈ سٹیشن کے ویسٹرن بائی پاس، جبل نوراور تکاتوفیڈرزسے صبح10بجے سے دوپہر2:30بجے تک بجلی بندہوگی۔

اسکے علاوہ 11جولائی کو سریاب گرڈاسٹیشن کے 11کے وی سریاب ون، سریاب ٹو، منی مارکیٹ اور خیربخش مری فیڈرسے صبح10بجے تا دوپہر2بجے جبکہ شیخ ماندہ گرڈ سٹیشن کے ائیر پورٹ روڈ، داریم اور عمر فیڈروں سے صبح10بجے سے دوپہر2:30بجے تک بجلی کی فراہمی معطل رہے گی تاہم کیسکونے بجلی بندش پر زحمت کیلئے متعلقہ صارفین سے پیشگی معذرت اور تعاون کی اپیل کی ہے۔