جوڈیشل عدالت کا بانی پی ٹی آئی کو ذاتی حیثیت میں پیش کرنے کا حکم

جمعرات 10 جولائی 2025 16:33

لاہور (اُردو پوائنٹ اخبارتازہ ترین - اے پی پی۔ 10 جولائی2025ء) لاہور کی کینٹ کچہری کی مقامی جوڈیشل عدالت نے زمان پارک لاہور میں واقع رہائش کے باہر اسلام آباد پولیس پر حملے کے درج مقدمے میں بانی پی ٹی آئی کو22 جولائی کو ذاتی حیثیت میں عدالت میں پیش کرنے کا حکم دے دیا،جوڈیشل مجسٹریٹ کینٹ سہیل رفیق نے تھانہ ریس کورس میں درج مقدمے کی سماعت کے دوران سپرنٹنڈنٹ کیمپ جیل کو حکم نامہ اور روبکار جاری کرتے ہوئے کہا کہ اڈیالہ جیل میں قید بانی پی ٹی آئی کو عدالت میں پیش کیا جائے تاکہ مقدمے کی کارروائی کو آگے بڑھایا جا سکے۔

(جاری ہے)