چیئرمین اعلیٰ ثانوی تعلیمی بورڈ فقیر محمد لاکھو ایس بی سی سی کے چیئرمین نامزد

جمعرات 10 جولائی 2025 22:41

کراچی (اُردو پوائنٹ اخبارتازہ ترین - اے پی پی۔ 10 جولائی2025ء) چیئرمین اعلی ثانوی تعلیمی بورڈ کراچی فقیر محمد لاکھو کو متفقہ طور پر سندھ بورڈز کمیٹی آف چیئرمین (ایس بی سی سی )کا چیئرمین نامزد کردیا گیا ہے۔

(جاری ہے)

جمعرات کو انٹربورڈز کوآرڈینیشن کمیشن (آئی بی سی سی)کے جاری نوٹیفکیشن کے مطابق فقیر محمد لاکھو 31دسمبر 2025 تک اس منصب پر خدمات انجام دیں گے، یہ فیصلہ 8جولائی 2025 کو ہونے والے سندھ کے تمام تعلیمی بورڈز کے اجلاس میں کیا گیا۔

نوٹیفکیشن کے مطابق یہ فیصلہ اتفاق رائے سے کیا گیا جس کے تحت ایس بی سی سی کے آئندہ چیئرمین کا تقرر سندھ کے تمام تعلیمی بورڈز میں باری باری سالانہ بنیادوں پر کیا جائے گا تاکہ تمام بورڈز کو مساوی نمائندگی حاصل ہو۔ اس پیشرفت کو سندھ بھر کے تعلیمی حلقوں میں خوش آئند قرار دیا جارہا ہے اور امید ظاہر کی جارہی ہے کہ ان کی قیادت میں تعلیمی بورڈز کے مابین باہمی روابط مزید مضبوط ہوں گے۔

Facebook Twitter Google + Share on Whatsapp

چیئرمین اعلیٰ ثانوی تعلیمی بورڈ فقیر محمد لاکھو ایس بی سی سی کے چیئرمین نامزد

متعلقہ عنوان :

مزید تعلیم کی خبریں