ْاین ای ڈی یونیورسٹی گرائونڈ میں کرکٹ ٹرائلز، رانا مشہود

جمعرات 10 جولائی 2025 22:55

اسلام آباد (اُردو پوائنٹ اخبارتازہ ترین - این این آئی۔ 10 جولائی2025ء)وزیرِ اعظم یوتھ پروگرام کے تحت کراچی میں این ای ڈی یونیورسٹی کے گرائونڈ میں کرکٹ ٹرائلز کی تقریب منعقد ہوئی جس میں مسلم لیگ ن کے رہنما اور چیئرمین یوتھ پروگرام رانا مشہود، پاکستان کرکٹ ٹیم کے سابق کپتان شاہین شاہ آفریدی اور ٹیسٹ کرکٹر فخر زمان نے شرکت کی۔

(جاری ہے)

مسلم لیگ ن کے رہنما اور چیئرمین یوتھ پروگرام رانا مشہود نے تقریب میں خطاب کرتے ہوئے کہا کہ وزیرِ اعظم یوتھ پروگرام کے تحت تعلیم، صحت اور اسپورٹس پر کام کر رہے ہیں۔

انہوںنے کہاکہ اس سال 23 ٹیلنٹ ہنٹ ہونے تھے جس کا آغاز باکسنگ سے ہوا، ہم چاہتے ہیں کہ پورے پاکستان سے ٹیلنٹ سامنے آئے، ٹیلنٹ ہنٹ کا آغاز ہم نے کوئٹہ سے کیا ہے۔رانا مشہود نے کہا کہ اس وقت ہماری ہاکی کی ٹیم بہتری کی طرف جا رہی ہے، ہم نیشنل یوتھ گیمز کروانے جا رہے ہیں۔