منی لانڈرنگ اور جعلی بینک اکاؤنٹ کے ذریعے کروڑوں روپے کی منتقلی کے مقدمے میں سماعت بغیر کسی کارروائی کے ملتوی

جمعرات 10 جولائی 2025 22:57

کراچی (اُردو پوائنٹ اخبارتازہ ترین - این این آئی۔ 10 جولائی2025ء)اسپیشل بینکنگ عدالت نے منی لانڈرنگ اور جعلی بینک اکاؤنٹ کے ذریعے کروڑوں روپے کی منتقلی کے مقدمے میں سماعت بغیر کسی کارروائی کے ملتوی کردی ہے ۔

(جاری ہے)

اسپیشل جج بینکنگ عدالت کے روبرو منی لانڈرنگ اور جعلی بینک اکاؤنٹ کے ذریعے کروڑوں روپے کی منتقلی کے مقدمے کی سماعت ہوئی۔ حسین لوائی اور دیگر ملزمان پیش ہوئے۔ اومنی گروپ کے انور مجید، نمل مجید اور علی کمال مجید عدالت میں پیش نہیں ہوئے۔ عدالت نے استثنی کی درخواست منظور کرتے ہوئے سماعت بغیر کسی کارروائی کے ملتوی کردی۔ مقدمے میں صدر آصف علی زرداری بھی ملزم نامزد ہیں۔ مقدمے میں فریال تالپور سمیت 14 ملزمان کو بیگناہ قرار دیا جاچکا ہے۔