Live Updates

موسلا دھار بارش کے باعث نومئی کے دو مقدمات کی جیل ٹرائل میں کارروائی نہ ہوسکی

عدالت کا جیل میں ناقص انتظامات پراظہارناراضی ،سماعت کے دوران بجلی بحال رکھنے کے انتظامات کرنے کی ہدایت

جمعرات 10 جولائی 2025 20:15

لاہور(اُردو پوائنٹ اخبارتازہ ترین - این این آئی۔ 10 جولائی2025ء) لاہور میں موسلا دھار بارش کے باعث نومئی کے جناح ہائوس سمیت جلا ئوگھیرا ئوکے دو مقدمات کے جیل ٹرائل میں کارروائی نہ ہوسکی،عدالت نے جیل میں ناقص انتظامات پر اظہار ناراضی کرتے ہوئے سماعت کے دوران بجلی بحال رکھنے کے انتظامات کرنے کی ہدایت کردی۔انسداد دہشت گردی کی خصوصی عدالت کے جج منظرعلی گل نے کوٹ لکھپت جیل میں جاکرکیسزکی سماعت کی۔

(جاری ہے)

لاہورمیں ہونے والی بارش سے جیل میں پانی کھڑا ہوگیا اور بجلی بند ہوگئی،جیل میں بجلی بند ہونے اورناقص انتظامات پرعدالت نے اظہار ناراضی کیا۔عدالت نے آئندہ کمرہ عدالت کو جنریٹر کے ساتھ منسلک رکھنے کی ہدایت کر دی۔عدالت نے جناح ہائوس میں 19جولائی جبکہ دومقدمات میں 12جولائی تک سماعت ملتوی کی۔عدالت میں گزشتہ روز جناح ہائوس ،تھانہ شادمان اورراحت بیکری کے باہرجلا ئوگھیرا ئوکے مقدمات کی سماعت تھی۔گرفتارملزم شاہ محمود قریشی ،ڈاکٹر یاسمین راشد ،اعجاز چوہدری سمیت دیگرکوعدالت میں پیش کیا گیا ۔