Live Updates

لاہور میں موسلا دھار بارش،ایل ڈبلیو ایم سی آپریشن ٹیمیں فیلڈ میں متحرک ، سی ای او بابر صاحب دین کاشہر کے مختلف علاقوں کا دورہ

جمعرات 10 جولائی 2025 23:30

لاہور (اُردو پوائنٹ اخبارتازہ ترین - اے پی پی۔ 10 جولائی2025ء) شہر میں موسلا دھار بارش کے پیشِ نظر سی ای او ایل ڈبلیو ایم سی بابر صاحب دین کی ہدایت پر آپریشن ٹیمیں تمام شاہراہوں اور نشیبی علاقوں میں متحرک رہیں۔سی ای او بابر صاحب دین نے خود بھی شہرکے مختلف علاقوں کا دورہ کر کے شاہراہوں کی کلیئرنس کا جائزہ لیا۔بارشی پانی کے نکاس کو یقینی بنانے کے لیے شاہراں سے شاپنگ بیگزاور ریپرز ہٹانے کے لیے صفائی عملہ تعینات کیا گیا جبکہ6000سے زائد ویسٹ کنٹینرز معمول کے مطابق کلیئر کیے گئے۔

بابر صاحب دین کا دوران بارش جاری آپریشن کے بارے میں کہنا ہے موسلادھار بارش میں بھی صفائی آپریشن کے ساتھ ساتھ نکاسی آب یقینی بنانے کا عمل جاری رہا۔انہوںنے نور جہاں روڈ، لبرٹی مارکیٹ، مین بلیوارڈ گلبرگ، ایم ایم عالم روڈ پر شاہراہوں کی کلیئرنس جبکہ شادمان مارکیٹ، قرطبہ چوک،ایوان تجارت، بیڈن روڈ بازار، ٹیمپل روڈ پر صفائی انتظامات کا جائزہ لیا۔

(جاری ہے)

لکشمی چوک،مال روڈ، جیل روڈ، الحمرا، گورنر ہاوس اور ملحقہ سڑکوں پر بھی صفائی ستھرائی یقینی بنائی گئی۔ سرکلر روڈ، فورٹ روڈ، اعظم کلاتھ مارکیٹ، آزادی چوک پر صفائی ٹیمیں متحرک رہیں۔مزید برآں تمام ٹاون منیجرز کو بھی فیلڈ میں ورکرز کی 100فیصد حاضری یقینی بنانے کی ہدایت جاری کی گئی۔ بابر صاحب دین نے شہریوں سے بھی گزارش کی ہے کہ دوران بارش شاہراں میں بکھرا کوڑا کرکٹ نکاسی آب میں خلل کا سبب بنتا ہے،کوڑا ہمیشہ کوڑے دان میں ڈالیں۔صفائی سے متعلق شکایات کے ازالے اور تجاویز کے لیے ایل ڈبلیو ایم سی کی ہیلپ لائن 1139پر رابطہ کریں یا سوشل میڈیاکا استعمال کریں۔