پاکستان سمیت دنیا بھر میں 11جولائی کوآبادی کا عالمی دن منایا گیا

اس دن کو منانے کا مقصد آبادی کے بڑھنے سے پیدا ہونے والے مسائل اور حل کو اجاگر کرنا ہے

جمعہ 11 جولائی 2025 15:39

کراچی(اُردو پوائنٹ اخبارتازہ ترین - این این آئی۔ 11 جولائی2025ء)پاکستان سمیت دنیا بھر میں 11جولائی کوآبادی کا عالمی دن منایا گیا۔اس دن کو منانے کا مقصد آبادی کے بڑھنے سے پیدا ہونے والے مسائل اور حل کو اجاگر کرنا ہے، آبادی کا عالمی دن اس سال اس عنوان سے منایاگیاکہ نوجوانوں کو ایسے حالات مہیا کئے جائیں جہاں وہ خاندان بنانے کا فیصلہ آزادانہ طور پر کرسکیں۔

(جاری ہے)

رپورٹ کے مطابق پاکستان تقریبا 24 کروڑ آبادی کے ساتھ دنیا میں آبادی کے لحاظ سے 5واں بڑا ملک ہے، جس میں سے 44 فیصد آبادی غربت کی لکیر سے نیچے زندگی گزار رہی ہے۔ماہرین کے مطابق بڑھتی ہوئی آبادی ایک سنگین مسئلہ ہے اس کو قابو نہ کیا تو ہم موسمیاتی تبدیلی، غذائی قلت، پانی کی کمی، غذائیت کی کمی، بے روزگاری، نوزائیدہ اموات سمیت شدید مسائل کا مزید شکار ہوں گے، عملی اقدامات کے ساتھ لوگوں میں شعور اجاگر کرنے کی بھی ضرورت ہے۔واضح رہے کہ پہلی مردم شماری کے بعد سے 2027 تک پاکستان کی آبادی میں 8 گنا اضافہ متوقع ہے۔