ایران کا سفرمحفوظ نہیں،امریکی محکمہ خارجہ

محکمہ خارجہ میں بڑے پیمانے پراصلاحات کی ضرورت ہے، ٹیمی بروس

جمعہ 11 جولائی 2025 17:37

واشنگٹن(اُردو پوائنٹ اخبارتازہ ترین - این این آئی۔ 11 جولائی2025ء)امریکی محکمہ خارجہ کی ترجمان ٹیمی بروس نے کہا ہے کہ ایران سفر کے لیے محفوظ ملک نہیں رہا۔امریکی محکمہ خارجہ کی ترجمان ٹیمی بروس نے پریس بریفنگ کرتے ہوئے کہا کہ محکمہ خارجہ میں تاریخی سطح کی تنظیم نو کی جا رہی ہے اوراسے جدید دور کی ضروریات کے مطابق ڈھالا جائے گا۔

(جاری ہے)

انہوں نے کہا کہ محکمہ خارجہ سفارت کاری کے ذریعے عالمی تبدیلی کا ذریعہ بن سکتا ہے لیکن فیصلوں کے مثر نفاذ اورنتائج کے حصول کے لیے وسیع اصلاحات ناگزیر ہیں۔

انہوں نے مزید کہا کہ صدرٹرمپ کے امن سے متعلق ارادوں کو سنجیدگی سے لینا چاہیے وہ روس کے یوکرین پرحملوں کی مذمت کرچکے ہیں اورموجودہ جنگی صورتحال میں امریکا اسرائیل کیساتھ کھڑا ہے۔مغربی کنارے میں جاری مجرمانہ کارروائیوں پرتشویش کا اظہارکیا اورکہا کہ ماضی کی امداد سے حماس نے ہتھیار حاصل کیے جس سے صورتحال مزید بگڑی۔