صوبائی وزیر میر شعیب نوشیروانی کی لورا لائی میں دہشت گردی کے واقعہ کی شدید میں مذمت

جمعہ 11 جولائی 2025 18:30

کوئٹہ (اُردو پوائنٹ اخبارتازہ ترین - اے پی پی۔ 11 جولائی2025ء) صوبائی وزیر خزانہ ومعدنیات میر شعیب نوشیروانی نے لورالائی کے علاقہ ڈب سرہ ڈھاکی میں دہشت گردی کے واقعہ کی شدید الفاظ میں مذمت کرتے ہوئے کہا ہے کہ معصوم مسافروں کو بس سے اتار کر نشانہ بنانا ایک انتہائی ظالمانہ اور انسانیت سوز عمل ہے۔انہوں نے کہا کہ بے گناہ افراد کی جان لینا نہ صرف امن دشمنی ہے بلکہ پورے معاشرے کو عدم تحفظ کی فضا میں دھکیلنے کی کوشش ہے ، ایسے بزدلانہ اقدام اور سفاکیت کو برداشت نہیں کیا جاسکتا ہے ۔

(جاری ہے)

صوبائی وزیر میر شعیب نوشیروانی نے کہا کہ دہشت گردی کو ناکام بنانے کے لیے ہمارے سیکورٹی ادارے مصروف عمل ہیں ،انہوں نے کہا کہ اس دلخراش واقعہ میں ملوث عناصر کسی رعایت کے مستحق نہیں ہے انہوں نے مزید کہا کہ بلوچستان کے عوام دہشت گردی کے خلاف متحد اور قانون نافذ کرنے والے اداروں کے ساتھ ہیں،دہشت گردی کی سرکوبی کیلئے تمام وسائل بروئے کار لارہے ہیں ۔صوبائی وزیر میر شعیب نوشیروانی نے غمزدہ خاندانوں سے دہلی ہمدردی کا اظہار کیا اور شہداءکے درجات کی بلندی کے لیے دعا کی۔