معصوم مسافروں کو بس سے اتار کر نشانہ بنانا انتہائی ظالمانہ ،انسانیت سوز عمل ہے،میرشعیب نوشیروانی

جمعہ 11 جولائی 2025 18:30

کوئٹہ(اُردو پوائنٹ اخبارتازہ ترین - این این آئی۔ 11 جولائی2025ء) صوبائی وزیر خزانہ ومعدنیات میر شعیب نوشیروانی نے لورالائی کے علاقے ڈب سرہ ڈھاکی میں پیش آنے والے واقعے کی مذمت کرتے ہوئے کہا ہے کہ معصوم مسافروں کو بس سے اتار کر نشانہ بنانا ایک انتہائی ظالمانہ اور انسانیت سوز عمل ہے۔

(جاری ہے)

انہوں نے کہا کہ بے گناہ افراد کی جان لینا نہ صرف امن دشمنی ہے بلکہ پورے معاشرے کو عدم تحفظ کی فضا میں دھکیلنے کی کوشش ہے۔

صوبائی وزیر میر شعیب نوشیروانی نے کہا کہ ایسے دلخراش واقعے میں ملوث عناصر کسی رعایت کے مستحق نہیں ہے انہوں نے مزید کہا کہ بلوچستان کے عوام دہشت گردی کے خلاف متحد ہیں۔اور ایسے ظا لمانہ کاروائیاں ہماری اجتماعی امن کی خواہش کو کمزور نہیں کر سکتے۔صوبائی وزیر میر شعیب نوشیروانی نے غمزدہ خاندانوں سے دہلی ہمدردی کا اظہار کیا اور شہداء کے درجات کی بلندی کے لیے دعا کی۔