سیالکوٹ، نماز جمعہ کے سلسلے میں مساجد و امام بارگاہوں میں سکیورٹی کے سخت انتظامات کیے گئے

جمعہ 11 جولائی 2025 20:20

سیالکوٹ (اُردو پوائنٹ اخبارتازہ ترین - اے پی پی۔ 11 جولائی2025ء) سیالکوٹ میں نماز جمعہ کے سلسلے میں مساجداور امام بارگاہوں میں سکیورٹی کے سخت انتظامات کیے گئے۔

(جاری ہے)

ڈسٹرکٹ پولیس فیصل شہزاد کی خصوصی ہدایت پرضلع بھر میں موجود اہم مساجداور امام بارگاہوں پر مسلح پولیس افسران و ملازمین نے ڈیوٹی سرانجام دی، ایلیٹ فورس اور محافظ سکواڈ کے جوان اہم مساجداور اہم امام بارگاہوں کے اردگرد گشت کناں رہے۔

اس کے علاوہ ٹریفک کی روانی کو برقرار رکھنے کے لیے ٹریفک پولیس کے جوان بھی الرٹ رہے۔ نماز جمعہ میں شامل ہونے والے ہر شخص، گاڑی، موٹر سائیکل وغیرہ کو مکمل چیکنگ کے بعد آنے دیا گیا۔ علاوہ ازیں چیکنگ کے لئے اہم پوائنٹس پر واک تھرو گیٹس اورمیٹل ڈیٹیکٹرز کا استعمال یقینی بنایا گیا۔مساجد اور امام بارگاہوں کے باہر مناسب پارکنگ کا بندوبست بھی کیا گیا۔