وزیر اعلیٰ پنجاب معاشرے کے پسے ہوئے طبقے کی فلاح اور بحالی کیلئے کوشاں ہیں،رانامنورحسین غوث خان

اٹک (اُردو پوائنٹ اخبارتازہ ترین - این این آئی۔ 11 جولائی2025ء)چیئرمین زکوة و عشر کونسل پنجاب رانا منور حسین غوث خان نے کہا ہے کہ وزیر اعلیٰ پنجاب معاشرے کے پسے ہوئے طبقے کی فلاح اور بحالی کیلئے کوشاں ہیں۔انہوں نے ان خیالات کا اظہار ڈی سی افس اٹک میں زکو وعشرکے حوالے سے اجلاس کی صدارت کرتے ہوئے کیا۔اجلاس میں ڈپٹی کمشنر اٹک راؤ عاطف رضا، ایڈیشنل ڈپٹی کمشنرریونیو وقاص اسلم مارتھ، ایڈیشنل ڈپٹی کمشنر جنرل انیل سعید، اسسٹنٹ کمشنرانزہ عباسی، ضلعی صدر پاکستان مسلم لیگ نواز سلیم شہزاد،ڈسٹرکٹ زکو افیسراٹک ثنا الرحمان انجم،میڈیکل سوشل ویلفیئر افیسر محمد زبیر،لیگ اف ہیومن ویلفیئر کے مقصود الہی بھٹی اور دیگر متعلقہ افسران بھی موجود تھے۔

ڈسٹرکٹ زکو افیسر نے بریفنگ دیتے ہوئے بتایا کہ ضلع میں ضلعی زکو کمیٹی قائم ہے جس کے ایڈمنسٹریٹر ڈپٹی کمشنر اٹک ہیں۔

(جاری ہے)

اس کے علاوہ ضلع بھر میں 432لوکل زکو کمیٹیاں کام کر رہی ہیں۔گزارہ الاؤنس کے تحت 2024-25میں 2681مستحق لوگوں میں فی بندہ 24ہزار روپے تقسیم کیے گئے۔اس کے علاوہ نابینا افراد کے گزارا الاؤنس کے مد میں بھی 106افراد میں بھی فی بندہ 24ہزار روپے تقسیم کیے گئے۔

شادی کی مالی معاونت کے سلسلے میں 203افراد نے فائدہ اٹھایا۔ہر فرد کو 25 ہزار روپیدیے گئے۔یہ تمام رقوم لوکل زکو کمیٹیوں کی منظوری کے بعد دی گئیں۔اس کے علاوہ تقریباً 34لاکھ روپے کے تعلیمی وظائف بھی تقسیم کیے گئے۔اس موقع پر چیئرمین زکو و عشر کونسل رانا منور حسین غوث خان نے ہدایت کی کہ دینی مدارس میں بھی مستحق طلبا کو تعلیمی وظائف دیے جائیں۔

دیتے ہوئے بتایا گیا کہ ضلعی سطح پر مریضوں کی معاونت کیلئے ہیلتھ ویلفیئر کمیٹی بھی قائم ہے۔جس کے کنوینر میڈیکل سپریٹینڈنٹ اور اراکین میں چیئرمین ضلعی زکو کمیٹی،ضلعی زکو افسر، سینیئر ڈاکٹر اور میڈیکل سوشل ویلفیئر افیسر ہیں۔2024 -25 کے مالی سال میں 30 لاکھ سے زائد رقم مستحق مریضوں میں علاج کے لیے تقسیم کی گئی۔اس موقع پر خطاب کرتے ہوئے چیئرمین زکو و عشر کونسل رانا منور حسین غوث خان نے کہا کہ مستحق افراد میں زکو کی رقوم کی صاف و شفاف تقسیم وزیراعلی پنجاب مریم نواز شریف کا مشن ہے جس کے لیے تمام وسائل بروئے کار لائے جا رہے ہیں۔

انہوں نے کہا کہ مہینے میں دو بار زکو و عشر کونسل کااجلاس منعقد ہوتے ہیں تاکہ مستحق افراد کو بروقت رقوم منتقل کی جا سکیں اس کے علاوہ زکو اور سوشل ویلفیئر کمیٹیوں کو فعال کیا جا رہا ہے۔مزیدبراں مستحق این جی اوز کو بھی زکو ةاور عشر کونسل کے ساتھ رجسٹر کیا جائے گا۔بعدازاں چیئرمین زکوة اور عشر کونسل نے ڈپٹی کمشنر اٹک کے ہمراہ گورنمنٹ اسفند یار بخاری ہسپتال اور تھیلیسیمیا سینٹر کا دورہ بھی کیا۔ایم ایس گورنمنٹ اسفند یار بخاری ڈسٹرکٹ ہسپتال ڈاکٹر جواد الٰہی نے بریفنگ دی۔رانا منور حسین غوث خان نے جن سابقہ مدر اینڈ چائلڈ ہسپتال اور موجودہ جنرل ہاسپٹل اٹک اور ڈسٹرکٹ پبلک سکول کا دورہ بھی کیا۔ڈپٹی کمشنر اٹک راؤعاطف رضا اور دیگر متعلقہ افسران نے انہیں بریفنگ دی۔