s ایف آئی اے اینٹی کرپشن سرکل اسلام آباد کی بڑی کارروائی

‘ افغان شہریوں کو غیر قانونی ای ویزا جاری کرنے کے معاملے میں ملوث سب انسپکٹر وسیم احمد اور کانسٹیبل عاقب محمود کو گرفتار کر لیا

جمعہ 11 جولائی 2025 23:00

ي* اسلام آباد(اُردو پوائنٹ اخبارتازہ ترین - آن لائن۔ 11 جولائی2025ء) ایف آئی اے اینٹی کرپشن سرکل اسلام آباد نے بڑی کارروائی کرتے ہوئے افغان شہریوں کو غیر قانونی ای ویزا جاری کرنے کے معاملے میں ملوث سب انسپکٹر وسیم احمد اور کانسٹیبل عاقب محمود کو گرفتار کر لیا ہے۔

(جاری ہے)

ترجمان ایف آئی اے کے مطابق دونوں اہلکار اینٹی ہیومن ٹریفکنگ سرکل اسلام آباد میں تعینات تھے اور انہوں نے ایک گرفتار ملزم زبیر سے دورانِ جسمانی ریمانڈ 20 لاکھ روپے رشوت طلب کی تھی۔

اہلکاروں نے رشوت کے بدلے ملزم کو جوڈیشل ریمانڈ پر بھیجنے کی یقین دہانی کرائی تھی۔ذرائع کا کہنا ہے کہ ایف آئی اے نے دونوں اہلکاروں کو گرفتار کر کے تفتیش کا آغاز کر دیا ہے، جبکہ واقعے کی مکمل تحقیقات کے لیے ایک 4 رکنی مشترکہ تحقیقاتی ٹیم (جے آئی ٹی) تشکیل دی گئی ہے۔ جے آئی ٹی کی سربراہی اسسٹنٹ ڈائریکٹر نعمان خلیل کو سونپی گئی ہے۔