آئی جی پنجاب نے ملازمین کے علاج معالجے کیلئے مزید 25 لاکھ روپے سے زائد کے فنڈز جاری کر دیئے، ترجمان

جمعہ 11 جولائی 2025 23:20

لاہور (اُردو پوائنٹ اخبارتازہ ترین - اے پی پی۔ 11 جولائی2025ء) انسپکٹر جنرل پولیس پنجاب ڈاکٹر عثمان انور اپنی فورس اور انکے اہل خانہ کی ہیلتھ ویلفیئر کیلئے پرعزم ہیں جس کے تسلسل میں پولیس ملازمین اور انکے اہلخانہ کے علاج معالجے کیلئے مزید 25 لاکھ 95 ہزار روپے فنڈز جاری کر دیئے۔ ترجمان پنجاب پولیس نے بتایاکہ ایڈیشنل ایس پی بابر ممتاز کو اپینڈکس اورکانسٹیبل محمد ماجد کو ریڑھ کی ہڈی کے علاج معالجے کیلئے فی کس 05 لاکھ روپے دئیے گئے۔

ہیڈ کانسٹیبل محمد توقیر کو بیوی کے علاج معالجے، مرحوم ریٹائرڈ سب انسپکٹر مختار حسین کی بیوہ کو کینسر اور کانسٹیبل ثاقب صفدر کو گھٹنے کی انجری کے کے علاج معالجے کیلئے فی کس اڑھائی لاکھ روپے فنڈز جاری کیے گئے۔سب انسپکٹرز فرقان احمد، محمد رمضان، ہیڈ کانسٹیبل محمد اقبال،ڈی ایس پی ذکریہ، انسپکٹر محمود الحسن اور ہیڈ کانسٹیبل خالد حسین کو علاج معالجے کی مد میں فی کس ایک لاکھ روپے دئیے گئے۔

(جاری ہے)

انسپکٹر محمد بشیر، ہیڈ کانسٹیبل آصف جاوید، کانسٹیبل ڈرائیور امجد حسین اور خاکروب اصغر مسیح کو علاج معالجے کیلئے مجموعی طور پر 02 لاکھ 45 ہزار روپے فنڈز جاری کیے گئے۔آئی جی پنجاب نے میڈیکل فنانشل اسسٹنس کمیٹی کی سکروٹنی کے بعد فنڈ اجرا کی منظوری دی۔ڈاکٹر عثمان انور نے کہا کہ مختلف اداروں کے ساتھ ایم او یوز کے تحت بھی ملازمین کو علاج معالجے کی بہترین سہولیات فراہم کر رہے ہیں۔