غزہ بچوں اور بھوکے لوگوں کا قبرستان بن چکا ہے، انروا چیف

فلسطینیوں کے پاس بچنے کا کوئی راستہ نہیں، ایک طرف موت ہے تو دوسری جانب بھوک،بیان

ہفتہ 12 جولائی 2025 15:35

غزہ (اُردو پوائنٹ اخبارتازہ ترین - این این آئی۔ 12 جولائی2025ء)فلسطینی پناہ گزینوں کے لیے اقوام متحدہ کے ادارے کے سربراہ نے کہاہے کہ غزہ بچوں اور بھوکے لوگوں کا قبرستان بن چکا ہے۔میڈیارپورٹس کے مطابق ہفتہ کو جاری اپنے ایک بیان میںانروا چیف نے کہا کہ فلسطینیوں کے پاس بچنے کا کوئی راستہ نہیں، ایک طرف موت ہے تو دوسری جانب بھوک، ہمارے اصول اور اقدار دفن ہو رہے ہیں۔

(جاری ہے)

ان کا کہنا تھا کہ بے عملی مزید انتشار لائے گی، مئی سے اب تک تقریبا 800 فلسطینی امداد کی تلاش میں مارے جا چکے۔اقوام متحدہ کے ورلڈ فوڈ پروگرام نے خبردار کیا کہ غزہ میں بھوک کا بحران غیر معمولی سطح پر پہنچ چکا، صورتحال مزید بدتر ہورہی ہے، غزہ میں ہر تین میں سے ایک شخص بغیر کچھ کھائے دن گزارتا ہے۔ادھر اسرائیل کے غزہ پر حملوں میں مزید 45 فلسطینی شہید، مرنے والوں میں امداد کے منتظر 11 فلسطینی بھی شامل ہیں۔