امرناتھ یاترا کے محفوظ انعقاد کیلئے ’’آپریشن شیوا‘‘کے تحت 8ہزار فوجی اہلکار تعینات

ہفتہ 12 جولائی 2025 15:58

سری نگر (اُردو پوائنٹ اخبارتازہ ترین - این این آئی۔ 12 جولائی2025ء)بھارت کے زیر قبضہ جموںوکشمیر میں سالانہ ہندو امرناتھ یاترا کے محفوظ انعقاد کو یقینی بنانے کیلئے ’’آپریشن شیوا‘‘ کے تحت جدید ہتھیاروں اور ٹیکنالوجی سے لیس ساڑے آٹھ ہزار سے زائد بھارتی فوجی اہلکار تعینات کر دئیے ہیں۔کشمیر میڈیاسروس کے مطابق یہ آٹھ ہزار سے زائد فوجی، سینٹرل آرمڈ پولیس فورس اور دیگر بھارتی پیرا ملٹری فورسز کے ان ہزاروںاہلکاروں کے علاوہ ہیں جو پہلے پہلے ہی یاتریوںکی حفاظت پر مامور ہیں۔

’’آپریشن شیوا‘‘ کے تحت بھارتی فوجیوں کی تعیناتی یاترا کے دونوں بالٹل اور پہلگام کے راستوں پر کی گئی ہے۔راستوں کی جدید ڈرون اور سی سی ٹی وی کیمروں کے ذریعے بھی نگرانی کی جا رہی ہے۔

(جاری ہے)

علاوہ ازیں ایک انجینئر ٹاسک فورس کو بھی متحرک رکھا گیا ہے جو راستوں کو ہموار اور چوڑا کرنے اور لینڈ سلائینڈنگ کی صورت میں فوری طور پر ملبہ ہٹانے کا کام انجام دے رہی ہے۔

امرناتھ یاترا 3جولائی کو شروع ہوئی تھی اور یہ 9اگست تک جاری رہے گی۔یاد رہے کہ بی جے پی کی بھارتی حکومت امرناتھ یاترا کے بحفاظت انعقاد اور یاتریوںکو تمام سہولیات بہم پہنچانے کے لیے تمام وسائل بروئے کار لارہی ہے جبکہ اس نے کشمیری مسلمانوں کے دیگر بنیادی حقو ق کے ساتھ ساتھ مذہبی حقوق بھی سلب کر رکھے ہیں ۔مسلمانوں کو اکثر نماز جمعہ اور عید کی نماز سے روکا جاتا ہے ۔ جامع مسجد سرینگراور عید گاہ سرینگر اگست 2019سے عید نماز کیلئے متواتر بند ہیں ۔ کشمیریوںکو محرم الحرام کے جلوسوں سے بھی روکا جاتا ہے۔