Live Updates

وزیراعلیٰ پنجاب یوتھ سپورٹس ڈپارٹمنٹ کے تحت سپورٹس کمپلیکس نوشہرہ کی مرمت کا افتتاح

ہفتہ 12 جولائی 2025 16:02

نوشہرہ ورکاں (اُردو پوائنٹ اخبارتازہ ترین - اے پی پی۔ 12 جولائی2025ء) وزیر اعلیٰ پنجاب یوتھ سپورٹس ڈپارٹمنٹ کے تحت سپورٹس کمپلیکس نوشہرہ کی مرمت کا افتتاح لیگی راہنماء حاجی مدثر قیوم ناہرا نے کیا۔ اس موقع پر تحصیل سپورٹس آفیسر تنویر عباس ،سب انجینئر سپورٹس ڈیپارٹمنٹ رانا ظہیر، انتظامیہ سپورٹس کمپلیکس سمیت دیگر سیاسی سماجی شخصیات موجود تھیں ۔

(جاری ہے)

حاجی مدثر قیوم ناہرا نے کمپلیکس کا تفصیلی معائنہ کرنے کے بعد میڈیا سے گفتگو کرتے ہوئے کہا کہ پاکستان مسلم لیگ ن نے ہمیشہ نوجوانوں کے لیے صحت مند سرگرمیوں کو فوقیت دی ہے سپورٹس کمپلیکس نوشہرہ ورکاں کی مرمت کا منصوبہ بھی مسلم لیگ ن کی حکومت کا عوام کو تحفہ ہے۔انہوں نے مزید کہا کہ 75 ملین کے اس بجٹ میں 15 KVA کا سولر سسٹم ،فلور ڈریننج سسٹم ،جدید طرز کی LED لائیٹس مرد و خواتین کے لیے جدید طرز کی فٹنس جم، بیڈ منٹن ہال،والی بال ، ٹیبل ٹینس،کراٹے پیڈ،سنوکر ٹیبل،تماشائیوں کے لیے سٹنگ ایریا ، کرکٹ پریکٹس نیٹ، لان ٹینس اور اس کے علاوہ کمپلیکس کی مکمل ری ویمپنگ اسی میں شامل ہے جس سے نوجوان طبقہ کو کمپلیکس میں کر وقت کھیلوں کے لیے انتظامیہ اپنی خدمات مہیا کرے گی۔\378