سرگودھا، ایف آئی اے کا چھاپہ، ویزافراڈ، انسانی سمگلنگ میں ملوث 2افراد گرفتار

ہفتہ 12 جولائی 2025 22:56

سرگودھا(اُردو پوائنٹ اخبارتازہ ترین - این این آئی۔ 12 جولائی2025ء)ایف آئی اے نے انسانی سمگلنگ اور ویزا فراڈ میں ملوث ملزمان کے خلاف کاروائی میں چھاپہ مار کر دو افراد کو گرفتار کر لیا۔

(جاری ہے)

ڈرائع کے مطابق ایف آئی اے کی ٹیم نے انسانی سمگلنگ اور ویزہ فراڈ میں ملوث ملزمان کے خلاف کاروائی میں چھاپے مار کر دو افراد غلام قادر اور تنویر الحسن کوگرفتار کر لیا جن کو سرگودھا کے مختلف مقامات سے گرفتار کیا گیا اور بتایا گیا کہ ملزمان میں غلام قادر نے شہری کو یونان بھجوانے کیلئے 30لاکھ روپے اورملزم تنویر الحسن نے شہری کو سعودی عرب بھجوانے کیلئے 11لاکھ روپے ہتھیائے اور انہیں ملازمت کیلئے بیرون ملک بھجوانے میں ناکام رہے اور بھاری رقوم وصول کر کے روپوش ہو گئے تھے ۔

گزشتہ روز ایف آئی اے ٹیم ملزمان کو گرفتار کر کے مصروف تفتیش ہے۔