پ*لاہور سمیت متعدد اضلاع میںمحکمہ صحت میں اعلیٰ سطحی تقرر و تبادلے

ٴ لاہور میں ڈاکٹر آصف خان، راولپنڈی میں ڈاکٹر احسان غنی، فیصل آباد میں ڈاکٹر شہباز احمد تعینات ٰڈاکٹر زوہیب حسن، ڈاکٹر محمد شہباز کو محکمہ ہیلتھ رپورٹ کرنے کی ہدایت، دیگر افسران تعینات،ذرائع

ہفتہ 12 جولائی 2025 20:55

لاہور (اُردو پوائنٹ اخبارتازہ ترین - آن لائن۔ 12 جولائی2025ء) محکمہ صحت پنجاب میں اعلیٰ سطح پر افسران کے تقرر و تبادلوں کے احکامات جاری کر دیے گئے ہیں، جس کے مطابق لاہور، راولپنڈی، فیصل آباد، ملتان، چینوٹ اور نارووال کے چیف ایگزیکٹو آفیسرز (سی ای او ہیلتھ) کی نئی تعیناتیاں اور تبادلے عمل میں لائے گئے ہیں۔تفصیلات کے مطابق سی ای او ہیلتھ لاہور ڈاکٹر زوہیب حسن کو فوری طور پر محکمہ ہیلتھ رپورٹ کرنے کی ہدایت جاری کی گئی ہے، جبکہ ان کی جگہ ڈاکٹر محمد آصف خان کو سی ای او ہیلتھ لاہور تعینات کر دیا گیا ہے۔

(جاری ہے)

ڈاکٹر آصف اس سے قبل راولپنڈی میں خدمات انجام دے رہے تھے۔ادھر ڈاکٹر احسان غنی کو سی ای او ہیلتھ راولپنڈی مقرر کر دیا گیا ہے۔ ڈاکٹر شہباز احمد کو فیصل آباد، ڈاکٹر محمد ثاقب منیر کو چینوٹ اور ڈاکٹر صوبان ضیاء کو سی ای او ہیلتھ ملتان تعینات کیا گیا ہے۔مزید برآں، سی ای او ہیلتھ نارووال ڈاکٹر محمد شہباز کو بھی محکمہ ہیلتھ رپورٹ کرنے کی ہدایت جاری کی گئی ہے۔محکمہ صحت کے ذرائع کے مطابق یہ تبادلے اور تعیناتیاں انتظامی بہتری اور محکمانہ کارکردگی میں بہتری کے لیے کی گئی ہیں، تاکہ مختلف اضلاع میں جاری صحت عامہ کے منصوبوں اور طبی خدمات کی فراہمی کو مؤثر بنایا جا سکے۔