کراچی، سنار سے ڈاکو 3 کروڑ 95 لاکھ روپے لوٹ کر فرار

ملازم کے ہمراہ سونا فروخت کرکے صدر صرافہ بازار سے واپس آرہا تھا، گاڑی پارک کی تو 2 ڈاکوؤں نے پستول رکھ کر واردات کی

اتوار 13 جولائی 2025 11:20

کراچی (اُردو پوائنٹ اخبارتازہ ترین - این این آئی۔ 13 جولائی2025ء)کراچی کے علاقے طارق روڈ کے قریب سنار سے ڈکیتی کی واردات پیش آئی ہے۔پولیس کے مطابق 2 موٹرسائیکلوں پر سوار 4 ڈاکو سنار سے مبینہ طور پر 3 کروڑ 95 لاکھ روپے لوٹ کر فرار ہوگئے۔

(جاری ہے)

سنار کا کہنا ہے کہ وہ ملازم کے ہمراہ سونا فروخت کرکے صدر صرافہ بازار سے واپس آرہا تھا، گاڑی پارک کی تو 2 ڈاکوؤں نے پستول رکھ کر واردات کی۔پولیس کا کہنا ہے کہ اطراف سے ابتک کوئی سی سی ٹی وی ویڈیو نہیں مل سکی، واقعہ کا مقدمہ درج کرکے مختلف زاویوں سے تفتیش کی جارہی ہے۔