گزشتہ مالی سال افغانستان کو برآمدات میں 31 فیصد اضافہ، حجم ایک ارب 39 کروڑ ڈالر ریکارڈ

اتوار 13 جولائی 2025 18:05

اسلام آباد (اُردو پوائنٹ اخبارتازہ ترین - این این آئی۔ 13 جولائی2025ء)گزشتہ مالی سال 25-2024 افغانستان کے لیے پاکستانی برآمدات میں 31 فیصد کا اضافہ ہوا ہے، افغانستان کے لیے جون کے مہینے میں پاکستانی برآمدات میں سالانہ بنیاد پر 90 فیصد کا بڑا اضافہ ریکارڈ کیا گیا ہے، جون میں ماہانہ بنیاد پر افغانستان کے لیے پاکستانی برآمدات 29 فیصد بڑھ گئیں۔

میڈیا رپورٹ کے مطابق گزشتہ مالی سال 25-2024 کے دوران افغانستان کو مجموعی طور پر برآمدات میں31 فیصد کا اضافہ ریکارڈ کیا گیا ہے، افغانستان کے لیے جون میں پاکستانی برآمدات میں سالانہ بنیاد پر 90 فیصد کا بڑا اضافہ دیکھا گیا۔ذرائع کے مطابق گزشتہ مالی سال کے آخری مہینے میں ماہانہ بنیاد پر افغانستان کے لیے پاکستانی برآمدات 29 فیصد بڑھیں، جون 2025 میں افغانستان کے لیے پاکستانی برآمدات 14 کروڑ 20 لاکھ ڈالر رہیں۔

(جاری ہے)

گزشتہ مالی سال افغانستان کے لیے پاکستانی برآمدات ایک ارب 39 کروڑ 10 لاکھ ڈالر رہیں، ذرائع کے مطابق مالی سال 24-2023 میں افغانستان کے لیے پاکستانی برآمدات کا حجم ایک ارب 7 کروڑ ڈالر تھا۔گزشتہ مالی سال میں پاک افغان دوطرفہ تجارت میں 25 فیصد کا اضافہ ہوا، مالی سال 25-2024 میں پاک افغان دو طرفہ تجارت کاحجم تقریباً 2 ارب ڈالر رہا، مالی سال 24-2023 میں پاک افغان دو طرفہ تجارت ایک ارب 60 کروڑ ڈالر تھی۔