اداکارہ ہانیہ عامر اور مشہور گلوکار عاصم اظہر ایک مرتبہ پھر خبروں کی زینت بن گئے

پیر 14 جولائی 2025 21:28

کراچی(اُردو پوائنٹ اخبارتازہ ترین - آن لائن۔ 14 جولائی2025ء)پاکستان شوبز انڈسٹری کی خوبرو اداکارہ ہانیہ عامر اور مشہور گلوکار عاصم اظہر ایک مرتبہ پھر خبروں کی زینت بن گئے ہیں۔ ماضی میں دونوں کے درمیان قریبی تعلقات رہے، جن کے ختم ہونے پر انٹرنیٹ پر خاصی بحث ہوئی، لیکن اب ایک بار پھر ایسی علامات اور اشارے سامنے آ رہے ہیں جنہیں مداح ’’دوبارہ قربت‘‘ کے اشارے قرار دے رہے ہیں۔

ہانیہ عامر اور عاصم اظہر کا رشتہ 2019 میں منظر عام پر آیا تھا۔ دونوں نہ صرف تقریبات میں ایک ساتھ دیکھے جاتے بلکہ سوشل میڈیا پر بھی ایک دوسرے کی پوسٹس پر تبصرے کرتے نظر آتے۔2020 میں ان کے درمیان بریک اپ ہوا، جس کی تصدیق ہانیہ نے ایک انٹرویو میں ’ہم دوست ہیں‘ کہہ کر کی، لیکن یہ وضاحت عاصم کے مداحوں کے لیے حیران کن تھی۔

(جاری ہے)

بریک اپ کے بعد عاصم اظہر نے ماڈل میرب علی سے منگنی کی، جو کئی ماہ چلی، مگر 2024 کے وسط میں ان دونوں کا رشتہ بھی ختم ہو گیا۔

میرب علی سے منگنی ٹوٹنے کے کچھ ہی عرصے بعد، سوشل میڈیا پر ایک بار پھر ہانیہ اور عاصم کے درمیان رابطے کے اشارے سامنے آنے لگے۔سب سے پہلا واضح اشارہ اس وقت ملا جب عاصم اظہر نے ہانیہ کی نئی پنجابی فلم ’’سردارجی 3‘‘ کے ٹریلر کو انسٹاگرام پر لائیک کیا۔ یہ بات مداحوں کی نظر سے اوجھل نہ رہ سکی اور سوشل میڈیا پر تبصرے شروع ہو گئے۔اسی دوران ہانیہ عامر کراچی کے ایک سینما میں اپنی فلم دیکھنے آئیں، جہاں انہیں ییلو کیپ پہنے دیکھا گیا۔ مداحوں نے فوری طور پر یہ نشاندہی کی کہ یہ کیپ بالکل ویسی ہی ہے جیسی عاصم اظہر ایک پرانی ویڈیو میں پہن چکے ہیں۔