وفاقی کابینہ کا اجلاس (کل)طلب ،قومی و داخلی سلامتی سے متعلق امور بھی زیر بحث آئیں گے

پیر 14 جولائی 2025 22:35

اسلام آباد(اُردو پوائنٹ اخبارتازہ ترین - این این آئی۔ 14 جولائی2025ء)وزیراعظم شہباز شریف نے وفاقی کابینہ کا اجلاس (کل)بدھ کو طلب کر لیا۔کابینہ ذرائع کے مطابق وزیراعظم کے زیر صدارت کابینہ اجلاس میں امن وامان سمیت اہم امور زیر بحث آئیں گے، وفاقی کابینہ کے اجلاس میں معاشی صورت حال کا بھی جائزہ لیا جائے گا۔

(جاری ہے)

ذرائع کے مطابق قومی و داخلی سلامتی سے متعلق امور بھی زیر بحث آئیں گے،کابینہ کی اقتصادی رابط کمیٹی کے فیصلوں کی بھی توثیق ہوگی۔اجلاس میں فرنٹیئر کانسٹیبلری کو فیڈرل کانسٹیبلری کا نام دینے اور اس کا دائرہ کار پورے ملک تک بڑھانے سے متعلق بھی کابینہ کو اعتماد میں لیا جائے گا۔