ورلڈ ماسٹرز سنوکر، پاکستان نے بھارت کو ہرا دیا

شاہد آفتاب نے بھارت کے منن چندرا کو ہرایا

ذیشان مہتاب منگل 15 جولائی 2025 11:18

ورلڈ ماسٹرز سنوکر، پاکستان نے بھارت کو ہرا دیا

منامہ (اردو پوائنٹ تازہ ترین اخبار ۔ 15 جولائی 2025ء ) آئی بی ایس ایف ورلڈ ماسٹرز سنوکر چیمپئن شپ میں پاکستان کے شاہد آفتاب نے بھارت کے منن چندرا کومات دے دی۔ ایونٹ میں پاکستان کے دونوں کیوسٹس شاہد آفتاب اور محمد آصف ناک آؤٹ راؤنڈ میں پہنچ گئےہیں ۔

بحرین میں جاری ایونٹ کے دوسرے روز پاکستان کے شاہد آفتاب اور محمد آصف نے اپنے آخری گروپ میچز کھیلے جس میں شاہد آفتاب نے بھارت کے منن چندرا کو ہرایا۔

(جاری ہے)

شاہد آفتاب نے بغیر کوئی فریم ڈراپ کیے 0-3 سے کامیابی حاصل کی، اُن کی کامیابی کا سکور 90-17، 59-46 اور 105-46 رہا۔

پاکستان کے دوسرے کیوسٹ محمد آصف اپنے آخری گروپ میچ میں بھارت کے برجیش دامانی سے ہار گئے، برجیش دامانی نے محمد آصف کو 0-3 سے ہرایا۔ بھارتی پلیئر کی آصف کے خلاف جیت کا سکور 66-39، 66-0 اور 79-41 رہا۔

گروپ میچز کے بعد شاہد آفتاب نے پری کوارٹر فائنل میں جگہ بنالی جب کہ محمد آصف آخری 22 کھلاڑیوں میں شامل ہوگئے۔