پنجاب پولیس کا انسداد منشیات آپریشن ، 32 ہزار 275 ملزمان گرفتار

منگل 15 جولائی 2025 13:35

لاہور (اُردو پوائنٹ اخبارتازہ ترین - اے پی پی۔ 15 جولائی2025ء) پنجاب پولیس کا انسداد منشیات آپریشن جاری ہے،رواں سال کے دوران صوبہ بھر میں منشیات فروشوں کے ٹھکانوں پر 57 ہزار 974 چھاپے مارے گئے۔ ترجمان پنجاب پولیس کے مطابق منشیات فروشی میں ملوث 32 ہزار 275 ملزمان گرفتار کئے گئے۔ملزمان کے قبضہ سے 18 ہزار 898 کلو گرام چرس، 1638 کلو گرام ہیروئن ، 981 کلو گرام آئس برآمد ہوئی۔

2296 کلو گرام افیون، 4 لاکھ 64 ہزار 641 لیٹر شراب بھی برآمد کی گئی۔

(جاری ہے)

ترجمان نے بتایا کہ لاہور میں 6 ہزار 596 منشیات فروش گرفتار کئے گئے۔ لاہور میں منشیات فروشوں کے قبضہ سے 3393 کلوگرام چرس، 298 کلوگرام ہیروئن، 528 کلوگرام آئس برآمد ہوئی۔لاہور میں منشیات فروشوں سے 253 کلوگرام افیون، 40 ہزار 556 لیٹر شراب بھی برآمد ہوئی۔ آئی جی پنجاب ڈاکٹر عثمان انور نے منشیات ڈیلرز و سمگلرز کے خلاف سپیشل آپریشنز میں مزید تیزی کا حکم دیا ہے ۔انہوں نے کہا کہ سپلائی چین میں ملوث تمام ملزمان کو قانون کی گرفت میں لا کر سخت سزائیں دلوائی جائیں۔تعلیمی اداروں اور ہاسٹلز کے گردونواح میں منشیات فروشی میں ملوث افراد کے خلاف کارروائیوں میں تیزی لائی جائے۔