پی سی بی نے ڈومیسٹک سیزن کے لیے تین درجاتی ڈیپارٹمنٹل کرکٹ سٹرکچر متعارف کروا دیا

گریڈ ون اور ٹو کے بعد ڈیپارٹمنٹل کرکٹ کی تاریخ میں پہلی دفعہ گریڈ تھری ٹورنامنٹ بھی کھیلا جائے گا

منگل 15 جولائی 2025 17:07

لاہور (اُردو پوائنٹ اخبارتازہ ترین - این این آئی۔ 15 جولائی2025ء) پاکستان کرکٹ بورڈ نے ڈومیسٹک سیزن کے لیے تین درجاتی ڈیپارٹمنٹل کرکٹ سٹرکچر متعارف کروا دیا۔گریڈ ون اور ٹو کے بعد ڈیپارٹمنٹل کرکٹ کی تاریخ میں پہلی دفعہ گریڈ تھری ٹورنامنٹ بھی کھیلا جائے گا۔گریڈ ون میں آٹھ ڈیپارٹمنٹل کرکٹ ٹیمیں نومبر-دسمبر میں ون ڈے کپ کھیلیں گی جبکہ فرسٹ کلاس ٹورنامنٹ پریذیڈنٹ ٹرافی دسمبر اور جنوری میں کھیلا جائے گا۔

(جاری ہے)

گریڈ ٹو میں اس دفعہ صرف 14ٹیمیں حصہ لیں گی، جن میں 12گزشتہ ٹورنامنٹ سے جبکہ 2گریڈ ون کی ریلیگیٹڈ ٹیمیں شامل ہیں۔پریذیڈنٹ ٹرافی گریڈ ٹو ٹورنامنٹ مارچ سے مئی 2026میں کھیلا جائے گا۔ہر سال گریڈ تھری کی ٹاپ ٹو ٹیمیں گریڈ ٹو میں جگہ بنا سکیں گی، جبکہ گریڈ ٹو کی چیمپئن ٹیم گریڈ ون کیلئے کوالیفائی کرے گی۔ڈائریکٹر ڈومیسٹک کرکٹ عبداللہ خرم نیازی نے کہا کہ ڈیپارٹمنٹل کرکٹ کی درجہ بندی سے 40سے زائد ڈیپارٹمنٹ بہترین کرکٹ کھیلیں گے،پاکستان کرکٹ بورڈ ڈومیسٹک کرکٹ کی بہتری اور چار ڈیپارٹمنٹل کرکٹ ٹورنامنٹ منعقد کروانے میں مدد کرنے پر تمام ڈیپارٹمنٹس کا شکر گزار ہے۔