گوادر کی ترقی حکومت کی اولین ترجیح ہے،مقامی کمیونٹی کو ترقیاتی منصوبوں کا حصہ بنائیں گے، وفاقی وزیر جنید انوار چوہدری

منگل 15 جولائی 2025 21:20

اسلام آباد (اُردو پوائنٹ اخبارتازہ ترین - اے پی پی۔ 15 جولائی2025ء) وفاقی وزیر بحری امور جنید انوار چوہدری نے کہا ہے کہ گوادر کی ترقی حکومت کی اولین ترجیح ہے،مقامی کمیونٹی کو ترقیاتی منصوبوں کا حصہ بنائیں گے۔منگل کے روز وفاقی وزیر گوادر پہنچ گئے،دورے کا مقصد گوادر بندرگاہ کی استعداد کار میں اضافے کے اقدامات کا جائزہ لینا ہے۔

(جاری ہے)

وفاقی وزیر کو گوادر پورٹ اتھارٹی کے چیئرمین بندرگاہ کے ترقیاتی منصوبوں پر بریفنگ دیں گے۔ وہ تاجر برادری اور مقامی ماہی گیروں سے ملاقاتیں بھی کریں۔وفاقی وزیر بحری امور نے کہا کہ گوادر کو عالمی تجارتی مرکز بنانے کی پالیسی پر عملدرآمد جاری ہے،مقامی طلباء کو وزارت کے ایجوکیشن انڈوومنٹ فنڈ کے ذریعے وظائف کی فراہمی یقینی بنائیں گے۔