حکومت تحریک میں پھوٹ ڈالنا چاہتی ہی: مسرت چیمہ

بدھ 16 جولائی 2025 22:22

لاہور (اُردو پوائنٹ اخبارتازہ ترین - آن لائن۔ 16 جولائی2025ء) پاکستان تحریک انصاف (پی ٹی آئی) کی سینئر رہنما مسرت جمشید چیمہ نے کہا ہے کہ پارٹی کی حالیہ تحریک کے اعلان کے بعد پی ٹی آئی کی قیادت کو پہلے سے بڑھ کر اتحاد اور یگانگت کا مظاہرہ کرنا ہوگا۔ ان کا کہنا تھا کہ حکومت ایک باقاعدہ منصوبے کے تحت پارٹی میں دراڑ ڈالنے کی کوشش کر رہی ہے، جس سے تمام رہنماؤں کو چوکنا رہنا چاہیے۔

(جاری ہے)

اپنے بیان میں مسرت جمشید چیمہ نے کہا کہ پی ٹی آئی کی مضبوطی جعلی حکمرانوں کے اقتدار کے خاتمے کا باعث بنے گی، اسی لیے حکومت کی ہر ممکن کوشش ہے کہ پارٹی رہنماؤں کو ایک دوسرے کے خلاف بیان بازی پر اکسایا جائے تاکہ کارکنان کنفیوژن کا شکار ہوں۔انہوں نے کہا کہ ہر سیاسی جماعت میں اختلاف رائے ہوتا ہے، لیکن موجودہ حالات ایسے ہیں کہ ذاتی مفادات اور باہمی اختلافات کو پس پشت ڈال کر صرف پارٹی کی بقا اور بانی پی ٹی آئی کی دی گئی کال پر توجہ مرکوز کرنا ہوگی۔مسرت جمشید چیمہ نے واضح کیا کہ اب وقت آ گیا ہے کہ قیادت اور کارکنان یکجہتی کا عملی مظاہرہ کریں اور انفرادی و اجتماعی سطح پر وہ کردار ادا کریں جو تحریک کی کامیابی اور حقیقی جمہوریت کی بحالی کے لیے ضروری ہے۔

Facebook Twitter Google + Share on Whatsapp

حکومت تحریک میں پھوٹ ڈالنا چاہتی ہی: مسرت چیمہ

متعلقہ عنوان :

مزید قومی خبریں