لکی مروت کے علاقے وانڈا امیر میں بیٹنی آئل فیلڈ سے پنجاب جانے والی مین گیس پائپ لائن کو دھماکہ خیز مواد سے اڑا دیا گیا، پولیس

بدھ 16 جولائی 2025 15:14

پشاور (اُردو پوائنٹ اخبارتازہ ترین - اے پی پی۔ 16 جولائی2025ء) لکی مروت کے علاقے وانڈا امیر میں بیٹنی آئل فیلڈ سے پنجاب جانے والی مین گیس پائپ لائن کو نامعلوم افراد نے دھماکہ خیز مواد سے اڑا دیا، پولیس کے مطابق یہ واقعہ تھانہ صدر کی حدود میں پیش آیا جس کے نتیجے میں لائن سے گیس کی فراہمی متاثر ہوئی۔

(جاری ہے)

پولیس کے مطابق واقعے کے بعد سکیورٹی اداروں کے اہلکاروں نے موقع پر پہنچ کر علاقے کو گھیرے میں لے لیا اور تحقیقات کا آغاز کر دیا ہے۔

واضح رہے کہ ایک ماہ کے دوران تیسری بار گیس پائپ لائن کو نشانہ بنایا گیا ہے، جس سے نہ صرف توانائی کی فراہمی میں خلل پیدا ہو رہا ہے بلکہ سکیورٹی کی صورتحال پر بھی سوالات اٹھنے لگے ہیں۔انتظامیہ کا کہنا ہے کہ نقصانات کے تخمینے اور مرمت کا کام جلد شروع کیا جائے گا، جبکہ پائپ لائن کی حفاظت کیلئے سکیورٹی اقدامات مزید سخت کئے جا رہے ہیں۔