Live Updates

بلال یاسین کا شہر کے مختلف علاقوں کا دورہ،نکاسی آب کا جائزہ

بدھ 16 جولائی 2025 20:20

لاہور (اُردو پوائنٹ اخبارتازہ ترین - اے پی پی۔ 16 جولائی2025ء) وزیر ہاؤسنگ اینڈ اربن ڈویلپمنٹ بلال یاسین نے بارش کے دوران شہر کے مختلف علاقوں کا دورہ کیا،ڈی جی واسا پنجاب طیب فرید اور ایم ڈی واسا غفران احمد کے ہمراہ نکاسی آب کے انتظامات کا جائزہ لیا،صوبائی وزیر بلال یاسین نے بارش کے دوران چھتیں گرنے اور اموات کے واقعات پر افسوس کا اظہار کیا، انہوں نے واسا حکام اور عوام کو دوران بارش بجلی کی تنصیبات سے دور رہنے کی ہدایت کی،گزشتہ روز بھی وزیر ہاؤسنگ بلال یاسین بارش کے دوران شہر کی گلیوں اور شاہراہوں سے نکاسی آب انتظامات کا جائزہ لیتے رہے،وزیر ہاؤسنگ پنجاب بلال یاسین کا مزید کہنا تھا کہ عوام بارش کے دوران گرنے والی تاروں بارے لیسکو حکام کو بروقت اطلاع دیں، شہری بارش کے دوران غیر ضروری سفر سے گریز کریں اور بچوں کو بجلی تنصیبات سے دور رکھیں۔