شدید بارشیں ، پنجاب بھر میں دفعہ 144نافذ ،نوٹیفکیشن جاری ڈیموں، دریائوں، نہروں، تالابوں اور جھیلوں میں ہر قسم کی تیراکی پر پابندی

جمعرات 17 جولائی 2025 18:33

لاہور(اُردو پوائنٹ اخبارتازہ ترین - این این آئی۔ 17 جولائی2025ء) محکمہ داخلہ پنجاب نے صوبہ بھر میںدفعہ 144نافذ کردی جس کا باضابطہ نوٹیفکیشن جاری کردیاگیا۔نوٹیفکیشن کے مطابق ڈیموں، دریائوں، نہروں، تالابوں اور جھیلوں میں ہر قسم کی تیراکی پر پابندی لگادی ہے ، عوامی مقامات پربارش کے جمع شدہ پانی میں نہانے پربھی دفعہ144نافذ کردی گئی ، ڈیموں، دریائوں، نہروں، جھیلوں و ڈسٹری بیوٹریز میں بلااجازت کشتی رانی پرپابندی ہے ۔

(جاری ہے)

دفعہ144کے تحت تمام پابندیوں کا اطلاق 30 اگست تک ہوگا،پابندی موجودہ موسمی حالات کے تناظر میں قیمتی انسانی جانوں کی حفاظت کیلئے لگائی گئی۔بارشوں میں نشیبی علاقوں،گلیوں،کھلی جگہوں پربارشی پانی کے جمع ہونے میں خاطرہ خواہ اضافہ ہوا،پنجاب بھر کے ڈیموں، دریائوں، نہروں، تالابوں اور جھیلوں میں ان دنوں پانی کی سطح بلند ہے ،ایسی صورتحال میں تیراکی اور کشتی رانی انسانی زندگی کیلئے انتہائی خطرناک ہے،عوامی آگاہی کیلئے دفعہ 144 کے نفاذ کی بھرپور تشہیر کی ہدایت کی گئی۔