یوکرائنی صدر زیلنسکی کے آبائی شہر سمیت مختلف مقامات پر روسی حملے، 3 ہلاک

جمعرات 17 جولائی 2025 20:36

کیف(اُردو پوائنٹ اخبارتازہ ترین - این این آئی۔ 17 جولائی2025ء)زیلنسکی کے آبائی شہر کرائیوف ریح پر اب تک کے بڑے روسی حملے ایک بیلسٹک میزائل اور 28 ڈرون استعمال ہوئے۔امریکی میڈیا کے مطابق یوکرین کے وسط میں واقع صدر زیلنسکی کے آبائی شہر کرائیوف ریح سمیت ملک کے 4 اہم حصوں میں روسی بمباری کا سلسلہ جاری رہا۔کرائیوف ریح شہر کے فوجی انتظامیہ کے سربراہ الیگزینڈر ویکوئی نے بتایا ہے کہ روس کی جانب سے ایک بیلسٹک میزائل اور 28 ڈرونز کا استعمال کیا گیا۔

(جاری ہے)

یوکرینی صدر زیلنسکی نے کہا کہ روسی حملے میں انکے 15 شہری زخمی ہوئے، کرائیوف ریح میں روسی حملے کا مقصد شہر کے توانائی مراکز کو تباہ کرنا تھا۔یوکرینی صدر زیلنسکی نے مزید بتایا کہ مجموعی طور پر یوکرین میں 3 لوگوں کی ہلاکت ہوئی جن میں ایک سومی اور 2 خارکیو کے مخٹلف علاقوں میں ہوئی۔امریکی میڈیا نے بتایا کہ روسی افواج نے گزشتہ رات میں 728 ڈرون حملے کے لیے استعمال کیے جس سے پتہ چلتا ہے کہ روس اب ڈرونز استعمال میں اضافہ کر رہا ہے۔