ہاتھوں پر نیل، ٹانگوں کے نیچے سوجن، وائٹ ہاوٴس نے امریکی صدر کی میڈیکل رپورٹ شیئر کردی

صدر ٹرمپ نسوں میں کمزوری کی علامات کا شکار ہیں، ایسی علامات عموماً 70 سال سے زائد عمر کے افراد میں ظاہر ہوتی ہیں، کیرولین لیوٹ

فیضان ہاشمی جمعہ 18 جولائی 2025 11:24

ہاتھوں پر نیل، ٹانگوں کے نیچے سوجن، وائٹ ہاوٴس نے امریکی صدر کی میڈیکل ..

واشنگٹن(اُردو پوائنٹ اخبارتازہ ترین۔ 18 جولائی2025ء) امریکی صدر ڈونلڈ ٹرمپ کے طبی معائنے سے متعلق ترجمان وائٹ ہاؤس کا موٴقف آ گیا ہے۔۔ انٹرنیشنل میڈیا رپورٹ کے مطابق امریکی صدر کی ٹانگوں کے نیچے سوجن، ہاتھوں پر نیل کے وائرل تصویر کے بعد ترجمان وائٹ ہاؤس کیرولین لیوٹ کا کہنا ہے کہ صدر ٹرمپ کی ٹانگوں کے نچلے حصوں میں سوجن اور ہاتھوں پر نیل کا معائنہ کیا گیا ہے۔

(جاری ہے)

وائٹ ہاؤس کی جانب سے جاری بیان کے مطابق صدر ٹرمپ نسوں میں کمزوری کی علامات کا شکار ہیں، ایسی علامات عموماً 70 سال سے زائد عمر کے افراد میں ظاہر ہوتی ہیں۔ ترجمان وائٹ ہاؤس کا کہنا تھا کہ امریکی صدر کی حالیہ تصاویر میں ان کے ہاتھ کی پشت پر معمولی نیل دیکھے گئے ہیں، ایسے نیل کے نشان بار بار ہاتھ ملانے اور سپرین کے استعمال سے جلد کے ٹشوز میں جلن کی وجہ سے ہوتے ہیں۔ وائٹ ہاؤس کی جانب سے جاری بیان میں یہ بھی کہا گیا کہ دل کی بیماریوں سے بچاؤ کی دوا سپرین امریکی صدر کی معمول کی دواؤں میں شامل ہے۔