کراچی : 14 سالہ لڑکے کی خودکشی ، مرنے سے قبل ویڈیو پیغام موبائل فونز ریکارڈ

جمعہ 18 جولائی 2025 16:08

کراچی(اُردو پوائنٹ اخبارتازہ ترین - این این آئی۔ 18 جولائی2025ء)بلدیہ اتحاد ٹائون میں چودہ سالہ لڑکے نے والد کے پستول سے خود کو گولی مارلی اور مرنے سے قبل اپنا ویڈیو پیغام بھی موبائل فونز پر ریکارڈ کیا۔تفصیلات کے مطابق کراچی کے علاقے بلدیہ اتحاد ٹائون میں چودہ سالہ لڑکے نے خودکشی کرلی۔

(جاری ہے)

پولیس حکام نے بتایا کہ لڑکے نے اپنے والد کے پستول سے خود کوگولی ماری، خودکشی کے وقت لڑکا گھر پر اکیلا تھا اور مرنے سے قبل اپنا ویڈیو پیغام بھی موبائل فونز پر ریکارڈ کیا تھا۔

پولیس نے ضابطہ کارر وائی کیلئے لاش کواسپتال منتقل کرکے مزید تفتیش شروع کردی۔اتحاد ٹائون پولیس نے موقع پر پہنچ کر اسلحہ اپنے قبضے میں لے لیا جو کہ متوفی کے والد کا بتایا جاتا ہے تاہم اس حوالے سے پولیس جائے وقوعہ سے مزید شواہد اور معلومات حاصل کر رہی ہے ۔