صوبائی وزیر خواجہ سلمان رفیق نے پتریاٹا میں ایمرجنسی دفتر کا دورہ

جمعہ 18 جولائی 2025 18:10

لاہور (اُردو پوائنٹ اخبارتازہ ترین - این این آئی۔ 18 جولائی2025ء)صوبائی وزیر محکمہ صحت و ایمرجنسی سروسز پنجاب خواجہ سلمان رفیق نے پتریاٹا میں ایمرجنسی دفتر کا دورہ کیا۔اس موقع پر ڈسٹرکٹ ایمرجنسی آفیسر و دیگر موجود تھے۔صوبائی وزیر نے پتریاٹا میں ایمرجنسی سروسز کا جائزہ لیا۔صوبائی وزیر محکمہ صحت و ایمرجنسی سروسز پنجاب خواجہ سلمان رفیق نے کہاکہ وزیر اعلیٰ پنجاب مریم نواز شریف کے ویژن کے مطابق عوام کو بہترین ایمرجنسی سروسز فراہم کر رہے ہیں۔

ہمارے ریسکیورز اپنی جانوں کی پرواہ نہ کرتے ہوئے عوام کو ایمرجنسی سروسز فراہم کر رہے ہیں۔ ڈاکٹر رضوان نصیر کی قیادت میں ریسکیورز بہترین فرائض سر انجام دے رہے ہیں۔ خواجہ سلمان رفیق نے کہاکہ ایمرجنسی سروسز کی صلاحیت میں اضافہ کیلئے یونیورسٹی لیول کے کورسز کیلئے مختلف یونیورسٹیوں کے ساتھ الحاق کیا جا رہا ہے۔

(جاری ہے)

ٹریفک حادثات کے ڈیٹا کی بنیاد پر متعلقہ سٹیک ہولڈرز کے ساتھ سیفٹی کے حوالے سے مشترکہ اجلاس کا انعقاد بھی انعقاد کیا جائے گا۔پنجاب ایمرجنسی سروس اور حکومتی ادارے عوامی خدمت میں 24 گھنٹے مصروف عمل ہیں۔ صوبائی وزیرصحت خواجہ سلمان رفیق نے عوام کو ایمرجنسی سروسز کی فراہمی کے دوران اپنی جانوں کا نذرانہ پیش کرنے والے ریسکیورز کو خراجِ تحسین پیش کیا۔