40ہزار سے زائرین سے متعلق ایسا نہیں کہا ہزاروں پاکستانی بیرون ملک لاپتا ہیں، سردار یوسف

زائرین کے پرانے کاغذی ریکارڈ مرکزی ڈیجیٹل رجسٹری میں مکمل طور پر منتقل نہیں ہوسکے، وزیر مذہبی امور

جمعہ 18 جولائی 2025 21:20

اسلام آباد (اُردو پوائنٹ اخبارتازہ ترین - این این آئی۔ 18 جولائی2025ء)وفاقی وزیر مذہبی امور سردار یوسف نے کہا ہے کہ 40ہزار سے زائرین سے متعلق ایسا نہیں کہا کہ ہزاروں پاکستانی بیرون ملک لاپتا ہیں ، 40ہزارزائرین کے پرانے کاغذی ریکارڈ مرکزی ڈیجیٹل رجسٹری میں مکمل طورپرمنتقل نہیں ہوسکے۔

(جاری ہے)

جار بیان میں سردار محمد یوسف نے کہا کہ وزارت مذہبی امور نے زائرین کے تحفظ اور سہولت کیلئے جدید آن لائن سسٹم متعارف کر دیا ہے، جدید سسٹم زائر اور گروپ آرگنائزر کوکیو آر کوڈجاری کیا جا رہا ہے، ایران، عراق اور شام کے حکام کے ساتھ مسافروں اورزائرین کی فہرستیں بروقت شیئر ہوں گی، اس اقدام سے کسی بھی قسم کی غلط فہمی یا پروپیگنڈا کی گنجائش ختم ہو جائے گی، تمام ٹور آپریٹرز اور زائرین31اگست 2025ء تک اپنی تفصیلات پورٹل پر درج کریں تاکہ غلطی نہ ہو۔