عدم ادائیگیوں کے سبب موزمبیق میں اطالوی بحری جہاز ضبط، پاکستانی عملہ گرفتار

جہاز پر سوار بھارتی کریو کو ان کی ڈائریکٹوریٹ پورٹ شپنگ نے ریسکیو کر لیا ،پاکستانی ڈی جی پورٹس سے رابطہ کیا ہے، جواب نہیں آیا،کیپٹن اسلم

جمعہ 18 جولائی 2025 21:45

کراچی(اُردو پوائنٹ اخبارتازہ ترین - این این آئی۔ 18 جولائی2025ء)اطالوی بحری جہاز کی عدم ادائیگیوں کے سبب موزمبیق میں پاکستانی عملے کو گرفتار کرلیا گیا جبکہ جہاز کو ضبط کرلیا گیا۔ افریقی ملک موزمبیق کے بیرا پورٹ پر موجود جہاز گیس فلیکن میں کھانا، پانی بھی ختم ہوگیا، جہاز کے سبزی، گوشت اور دیگر سامان کے ریفریجریٹر خالی ہوگئے۔

(جاری ہے)

موزمبیق سے جہاز کے کپتان نے غیر معمولی مے ڈے کال دی اور انہوں نے کہاکہ عملے کی جان کو خطرہ ہے، جیو نیوز نے پاکستانی کیپٹن کی مے ڈے کال کا ریکارڈ حاصل کر لیا۔

خصوصی گفتگو میں کیپٹن اسلم نے بتایا کہ جہاز کا اے سی بھی بند ہوچکا، جلد ایمرجنسی لائٹس بند اور موبائل سے رابطہ منقطع ہو جائے گا۔ جہاز پر سوار بھارتی کریو کو ان کی ڈائریکٹوریٹ پورٹ شپنگ نے ریسکیو کر لیا ہے۔کیپٹن اسلم نے کہاکہ پاکستانی ڈی جی پورٹس عالیہ شاہد سے رابطہ کیا ہے، جواب نہیں آیا، اگر موزمبیق حکام جہاز کی ایل پی جی جلد فروخت کریں تو رہائی ممکن ہے۔