پاکستان کا کالعدم بی ایل اے کی ذیلی تنظیم مجید بریگیڈ کو دہشتگرد قرار دینے کا مطالبہ

پہلگام واقعے کو لشکر طیبہ جیسے کالعدم گروہ سے جوڑنے کی بھارتی کوشش زمینی حقائق کے منافی ہے، ترجمان دفترخارجہ

جمعہ 18 جولائی 2025 22:10

اسلام آباد(اُردو پوائنٹ اخبارتازہ ترین - این این آئی۔ 18 جولائی2025ء)پاکستان نے کالعدم بلوچ لبریشن آرمی کی ذیلی تنظیم مجید بریگیڈ کو بھی دہشت گرد قرار دینے کا مطالبہ کردیا۔ترجمان دفترخارجہ نے پریس بریفنگ کے دوران ایبیگیٹ دھماکے کے ماسٹر مائنڈ شریف اللہ کی گرفتاری کو پاکستان کی کامیابی قرار دیا۔ ترجمان نے بتایاکہ پاکستان دہشت گردی کے خلاف فرنٹ لائن ریاست ہے اور عالمی امن کیلئے نمایاں خدمات انجام دی ہیں۔

انہوں نے پہلگام واقعے سیمتعلق بات کرتے ہوئے کہا کہ پہلگام واقعے کی تحقیقات تاحال نامکمل ہیں، یہ واقعہ عالمی سطح پرتسلیم شدہ متنازع خطے میں پیش آیا۔ترجمان دفترخارجہ نے پہلگام واقعے کو لشکر طیبہ جیسے کالعدم گروہ سے جوڑنے کی بھارتی کوشش کو زمینی حقائق کے منافی قرار دیتے ہوئے کہاکہ بھارت ایسے معاملات کو پاکستان مخالف پروپیگنڈے کیلئے استعمال کرتا ہے اور بھارت کے یہ پروپیگنڈے انسانی حقوق کی پامالیوں سے توجہ ہٹانے کی کوششوں کا حصہ ہے۔

(جاری ہے)

وزارت خارجہ کے ترجمان نے واضح کیا کہ پاکستان نے کالعدم تنظیموں کو موثر طور پر ختم کیا اور قیادت کوگرفتار کرکے مقدمات چلائے۔انہوں نے عالمی برادری سے مطالبہ کیاکہ دہشتگردی کیخلاف غیرجانبدار اور اجتماعی کوششیں کی جائیں اور کالعدم بلوچ لبریشن آرمی کی ذیلی تنظیم مجید بریگیڈ کو بھی دہشتگردوں کی فہرست میں شامل کیا جائے۔